Azərbaycan dramaturgiyasının inkişafında onun ideya – estetik məzmun bədii sənətkarlıq keyfiyyətlərinin zənginləşdirilməsində, milli teatrın yaradılmasında və inkişafında müstəsna rolu olan görkəmli şəxsiyyətlərdən biri Nəcəf bəy Vəzirovdur.Bütün içtimai fəaliyyəti və ədəbi  yaradıcılığı ilə milli azadlıq hərakatına yaxından kömək göstərən bu sənətkar ədəbiyyatımızda faciə janrının əsasını qoymuş, Azərbaycanda feodal – patriarxal quruluşa qarşı çevrilmiş maarifçilik hərəkatının genişlənməsində yaxından iştirak etmişdir.    Nəcəf bəy Vəzirov 1854 – cü il aprel ayının ikisində Azərbaycanın səfalı guşələrindən biri olan Şuşa şəhərində anadan olmuşdur.