Türkiyənin Hatay şəhərində 5 gün əvvəl damarları çöldə, dərisi tam inkişaf eləməmiş dünyaya gələn qız uşağı öldü. O, 5 avqustda normal doğumla dünyaya gəlmişdi. Tibbdə `balıq uşaq` olaraq adlandırılan xəstəliklə dünyaya gələn qız ailənin ilk uşağı idi. Qızın bəzi orqanları tam inkişaf eləməmiş, dərisində dərin çatlar olduğu üçün müşahidə altına alındı. Gözləri bağlanmayan, dərisindəki yarıqlar səbəbiylə infeksiya düşən və su itirən uşaq yaşaya bilmədi.Uşağın 1 ay tez dünyaya gəldiyini, dərisində ağır bir xəstəlik olduğunu və bu xəstəliyin nəsildən nəsilə keçən bir xəstəlik olduğunu deyən həkimlər bu xəstəliyin ən böyük səbəbinin ana və atanın əmi uşaqları olmasını göstərdilər. Bu xəstəliyin hər 300 mininci doğumda görülmə ehtimalı var. Belə xəstəliyi olan ailələr gələcəkdə belə bir problemlə qarşılaşmamaq üçün genetik testlərdən mütləq keçməlidi. Bu ailə üzərində aparılan testlərdə dünyaya gələcək ikinci uşaqlarında bu xəstəliyin görülmə ehtimalının 25% olacağını isə xüsusi ilə qeyd edirlər.
Avqust 15, 2008 13:30